"Жас Ұлан" балалар мен жасөспірімдер ұйымы

Тастыөзек орта мектебі КММ бойынша 2020 жылдың 11 желтоқсан күні мектепте 16-желтоқсан Қазақстан Республикасының Тәуелсіздік күніне арналған «Жас Қыран», «Жас Ұлан» балалар мен жасөспірімдер ұйымына қабылдау салтанатты жиыны өткізілді. «Жас Қыран» ұйымына 8 оқушы және «Жас Ұлан» ұйымына 11 оқушы қабылданды. Қабылданатын оқушылар «Жас Ұлан», «Жас Қыран» қатарына өтудің жауапкершіліктің мол екенін сезіне білді. Оның қатарына қабылданған оқушы мектептің қоғамдық жұмысына белсене араласып және сабақтарын үздікке оқып, өз елінің мақтанышы болатын азамат болуына міндеттейтінін сезінді.

Салтанатты жиынға 1,5-сынып жетекшілері А.Тилеулинова және А.Қабылова қатысты. Ұйымға қабылданушы оқушылар «Өз Отаны – Қазақстанның патриоты болуға, «Жас Ұлан» ережесін бұлжытпай сақтап отырып, өзінің достарынан соны талап ете отырып, Отанды сүюге салтанатты түрде Ант берді. Мектептің ұланбасы бастаған «Жұлдыз» өзін-өзі басқару ұйымының көшбасшылары және «Жас Ұлан» ұйымының мүшелері «Атамекен» әнінің ырғағында жас қабылданушыларға галстуктарын тағып, кеуделеріне төс белгілерін қадап берді. Мектеп директоры Е.Оспанов сөз сөйлеп «Жас Ұлан», «Жас Қыран» ұйымдарына қабылданғандарды құттықтап, тілегін айтты. Ата-аналардың арасында да ізгі ниеттерін білдіріп жолдарына сәттілік тілеп, лебіздерін білдірді